|
Hei folkens!
Eg heiter Sagvoldhaugens Loke, og flytta inn her i familien sommaren
2004.
Hugin, tante Gro og Mamma kom heilt til Verdal for å hente meg 18 juli.
Mamma og Pappa var og helste på meg to veker før, så eg kjente att Mamma
då ho kom, eg sprang så fort eg kunne, og var først av alle i
søskenflokken min (vi er 10 stykker) som kom fram til ho! Og då er det jo
klart at Mamma ikkje kunne motstå meg. Vi var seks guttar i flokken,
så det var ikkje så lett å skjønne at det var meg ho skulle ha. Der
var ho litt treg, altså!
Turen sørover var veeeeldiiiiig lang. Til å begynne med låg eg på fanget til
tante Gro, men etter ei stund fekk eg bak i hundeburet til Hugin.
Heldigvis hadde han ikkje noko imot det, så eg låg der resten av vegen.
Vi hadde mange stopp, slik at eg fekk ut og lufte meg, drikke litt og ete littegrann.
Og no (mai 2006) er eg blitt storebror og. Vi har fått ein liten
gutt i familien som heiter Svirre-Virre. Han er veldig fin å leike
med, og lett og erte opp... Og så elskar han å leike "grevling".
Snakkar noko om at han leitar etter sopp?
Heldigvis har familien min tid til å kose med oss alle tre, så vi "gamle"
er ikkje blitt sjalu på småen.
Og
så vil eg helse til mamma Toya, pappa Zebb, søskena mine og familien min
i Verdal!
|
